CANORTAS

Bainvgnieus tar nus sun tuot ils iffaunts chi staun in Engiadin'Ota da l'eted da trais mais fin tal cumanzamaint da la scoula:

• Las canortas sun independentas a reguard politica e confessiun,
• l'integraziun d'iffaunts esters es per nus fich importanta,
• las tariffas vegnan calculedas tenor las pussibiliteds economicas dals genituors,
• ils iffaunts vegnan chüros in gruppas da differentas eteds
• cun grand'amur e pazienzcha surpiglian nossas chürunzas scoledas e competentas la responsabilted per la chüra dals iffaunts.

Nos böt es cha minch'iffaunt:

• vegna gugent in nossa canorta,
• possa svilupper sia persunalited ed individualited,
• saja saun e cuntaint,
• chatta amias ed amihs illa canorta per pudair giuver insembel,
• as sainta bain illa gruppa,
• hegia ün di accumplieu,
• vöglia e possa scuvrir il muond,
• saja preparo per la scoulina e per la scoula.

Il pü essenziel per nus es adüna il bainster da l'iffaunt!