Spüerta

• La canorta Chüralla spordscha lö per duos gruppas d'iffaunts da differentas eteds, minchüna cun 12 plazzas da chüra.
• In tuot frequaintan circa 50 iffaunts la canorta.
• A vegnan arvschieus iffaunts da l'eted da trais mais fin a l'entreda in scoula.

Lö

• La canorta Chüralla es situeda in ün lö sulagliv, a l'ur d'ün godin sül territori "Sper l'En" a Samedan.
• La canorta es drizzeda aint cun grandas staunzas cleras e cun ün egen üert circundo dad üna saiv.

Uras d'avertüra

• Lündeschdi fin venderdi da las 7.30 fin a las 18.30.
• Düraunt ils seguaints dis da festa resta la canorta serreda: Bümaun, Venderdi sench, Firo da Pasqua, Ascensiun, Firo da Tschinquaisma, 1. avuost, di da Nadel (25 december) e Firo da Nadel (26 december). Üngünas vacanzas da gestiun.

Tariffas

• Las tariffas vegnan calculedas tenor la capacited economica dals genituors. La tariffa maximela es CHF 105.- al di, cumprais il damanger, la tariffa minimela es CHF 32.- al di, cumprais il nudrimaint.
• Per la chüra a partir da duos dis inters l'eivna survegnan ils genituors 20 %, a partir da trais dis 30 % ed a partir da quatter dis 40 % rabat. Per fradgliuns do que rabats da 50 % fin 70 %.

Annunzcha

• Nus arcumandains da fer ün'annunzcha antecipeda. Ad exista üna glista d'aspet. Ils iffaunts vegnan acceptos sü ün zieva l'oter tenor annunzcha.
• L'annunzcha ho lö cun implir our il formuler in scrit. Pür zieva avair survnieu l'annunzcha vain l'iffaunt registro sülla glista d'aspet.

Admissiun

• As po cumanzer üna relaziun vicendaivla adüna ils prüms dal mais.
• Pür cun la suottascripziun da tuottas duos partidas es sgüreda la plazza da chüra illa canorta.
• Las prümas duos eivnas velan scu temp per s'adüser. Düraunt quel temp restan ils genituors il prüm cun l'iffaunt illa canorta. Cur cha l'iffaunt s'ho adüso vi dal nouv ambiaint, alura po el rester lo sulet.
• Il temp da chüra minimel es duos mezs dis ubain ün di inter l'eivna.
• Per motivs pedagogics arcumandains nus ün temp da chüra da duos fin trais dis l'eivna. Il temp da chüra maximel importa quatter dis l'eivna.

Infurmaziuns

• La mnedra da la canorta, duonna Susanne Woecke, do gugent infurmaziuns sün Lur dumandas. Ella es disponibla da lündeschdi fin marculdi suot il numer da telefon 081 852 11 85.