Spüerta

• La canorta Muntanella spordscha lö per duos gruppas d'iffaunts da differentas eteds, minchüna cun 12 plazzas da chüra.
• In tuot frequaintan circa 50 iffaunts la canorta.
• A vegnan arvschieus iffaunts da l'eted da trais mais fin a l'entreda in scoula.

Lö

• La canorta Muntanella as rechatta in ün lö sulagliv in ün quartier quiet a San Murezzan-Bagn.
• La canorta es drizzeda aint cun grandas staunzas cleras e cun ün egen üert circundo dad üna saiv.

Uras dad avertüra

• Lündeschdi fin venderdi da las 7.30 fin a las 18.30.
• Düraunt ils seguaints dis da festa resta la canorta serreda: Bümaun, Venderdi sench, Firo da Pasqua, Ascensiun, Firo da Tschinquaisma, 1. avuost, di da Nadel (25 december) e Firo da Nadel (26 december). Üngünas vacanzas da gestiun.

Tariffas

• Las tariffas vegnan calculedas tenor la capacited economica dals genituors. La tariffa maximela es CHF 105.- al di, cumprais il damanger, la tariffa minimela es CHF 32.- per di, cumprais il past.
• Per la chüra a partir da duos dis inters l'eivna survegnan ils genituors 20 %, a partir da trais dis 30 % e a partir da quatter dis 40 % rabat. Per fradgliuns do que rabats da 50 % fin 70 %.

Annunzcha

• Nus arcumandains ün'annunzcha antecipeda. Ad exista üna glista d'aspet. Ils iffaunts vegnan acceptos ün zieva l'oter tenor annunzcha.
• L'annunzcha segua cun implir our il formuler in scrit. Pür zieva avair survgnieu l'annunzcha in scrit vain l'iffaunt registro sülla glista d'aspet.

Admissiun

• As po cumanzer üna relaziun vicendaivla adüna ils prüms dal mais.
• Pür cun la suottascripziun da tuottas duos varts es sgüreda la plazza da chüra illa canorta.
• Las prümas duos eivnas velan scu temp per s'adüser. Düraunt quel temp restan ils genituors il prüm cun l'iffaunt illa canorta. Cur cha l'iffaunt s'ho adüso vi dal nouv ambiaint, alura po el rester lo sulet.
• Il temp da chüra minimel es duos mezs dis ubain ün di inter l'eivna.
• Per motivs pedagogics arcumandains nus ün temp da chüra da duos fin trais dis l'eivna. Il temp da chüra maximel importa quatter dis l'eivna.

Infurmaziuns

• La mnedra da la canorta, duonna Brigit Ferrari, do gugent infurmaziuns sün Lur dumandas. Il numer da telefon es 081 832 28 43.