Mamma da di scu professiun

• Cun grand affecziun e pazienza spordschan genituors da di la chüra per ün u püs iffaunts.
• Las famiglias da di surpiglian cotres üna prestaziun importanta i'l interess da la populaziun e pel bainster da l'iffaunt.

Cundiziuns

• plaschair da ster insembel cun iffaunts
• capaciteds educativas e communicativas
• fidelted e sen da responsabilted
• sensibilited, aviertezza e toleranza
• sandet da corp ed orma
• capacited da's distanzer e dad accepter agüd in situaziuns criticas
• esser pront da fer scolaziuns
• avuonda spazi in chesa e la pussibilted da pudair giuver dadains e dadour

Contrat da lavur

• Las famiglias da di stabileschan ün contrat in scrit culs genituors e la KiBE .
• Lo vegnan las cundiziuns da lavur regledas cleramaing.
• Mincha mais survegnan las famiglias da di lur peja da la KiBE.
• La KiBE peja las spaisas per il damanger cun üna pauschela, spaisas extraordinarias a favur da l'iffaunt perchüro vegnan bunifichedas a maun d'üna quittaunza.
• La KiBE pisserescha cha las sgüraunzas socielas vegnan squintedas correctamaing e cha vegnan observos ils reglamaints da la ledscha federela e chantunela per la chüra d'iffaunts.
• La KiBE, ils genituors e'ls genituors da di sun in dovair da tratter confidenzielmaing tuot las infurmaziuns in connex cun la relaziun da chüra.

Sgüraunzas

• La KiBE sgürescha als genituors da di cunter accidaints da lavur. Per accidaints capitos brich in connex culla professiun sun els sgüros be sch'els lavuran in media dapü cu och uras l'eivna.
• La KiBE sgürescha ils genituors da di per dumandas da respunsabilited. Sgüros sun la respunsabilted dals genituors da di invers l'iffaunt perchüro e quella dals genituors da di invers terzas persunas per discapits cha l'iffaunt provochescha düraunt ch'el vain survaglio.

Scolaziuns

• La KiBE surpiglia ils cuosts per il cuors da basa obligatoric da duos dis per ils genituors da di.
• La KiBE organisescha cuors da perfecziunamaint per tuot il genituors, per exaimpel il cuors "cas d'urgenza cun iffaunts pitschens" ubain cuors da "Triple P".

Accumpagnamaint

• La KiBE organisescha regulermaing inscunters per genituors e genituors da di.
• La mnedra da mediaziun per famiglias da di accumpagna las famiglias da di e las cussaglia in cas da dumandas u tar difficulteds. 

Infurmaziuns 

• Martina Parli-Matossi es impiegheda da la KiBE pel sectur famiglias da di.
• Per dumandas es ella disponibla lündeschdi, mardi, gövgia e venderdi aunzmezdi da las 8.00 fin a las 11.00 suot il numer da telefon 081 850 07 60.