Spüerta

• La KiBE spordscha plazzas da chüra tar famiglias da di per iffaunts pitschens e scolars.
• Famiglias da di perchüran cun affecziun e responsabilted ün u püs iffaunts in lur chesa.
• Ils genituors da di sun pronts d'avrir las portas da lur famiglias e da frequenter cuors da perfecziunamaint scu eir dad inscuntrer ad otras famiglias chi faun la listessa lavur per la KiBE.

Contrat da la famiglia da di e contrat da chüra

• Ils genituors faun ün contrat da famiglia da di cun la KiBE. Lo vegnan cleramaing regledas las cundiziuns da chüra e las tariffas in scrit.
• Ils genituors cumpileschan ün contrat da chüra cun la KiBE e culs genituors da di. Lo vegnan noto sü ils temps da chüra ed oters detagls da la relaziun.
• La KiBE fo ün contrat da lavur culs genituors da di. Ella surpiglia l'administraziun dal persunel, ils pajamaints dals salaris, il rendaquint da las sgüraunzas socielas e reglescha tuot las dumandas in connex cullas sgüraunzas.
• La KiBE pisserescha cha'l reglamaint federel e chantunel da la chüra d'iffaunts vegna resguardo.

Tariffas

• Las tariffas vegnan calculedas tenor la capacited economica dals genituors. Relevant sun las entredgias taxablas per la fixaziun da la taxa impü 10 % da la faculted taxabla dals genituors.
• La tariffa maximela es CHF 10.-, la tariffa minimela es CHF 3.40 l'ura.
• Il damanger nun es cumprais. Tar mincho past vain miss in quint üna pauschela d'indemnisaziun da las spaisas als genituors.

Accumpagnamaint

• La mnedra da mediaziun per famiglias da di las accumpagna e las cussaglia in cas da dumandas u tar difficulteds.
• La KiBE organisescha regulermaing inscunters per genituors e genituors da di.

Infurmaziuns 

• Duonna Martina Parli-Matossi es impiegheda tar la KiBE per il sectur famiglias da di.
• Per dumandas es ella disponibla lündeschdi, mardi, gövgia e venderdi l'aunzmezdi da las 8.00 fin a las 11.00 suot il numer da telefon 081 850 07 60.